MAANA HALISI YA RANGI KATIKA ISHARA, MUONEKANO WA MTU PAMOJA NA VITO VYA THAMANI.

Rangi inaweza kuelezea hisia zetu, matendo yetu na hata namna tunavyoweza kuvichukulia vitu  katika masuala mbalimbali ikiwemo watu, vitu Fulani na hata mawazo yetu. Mengi yameandikwa na kutolewa elimu juu ya rangi  na namna yanavyogusa maisha yetu ya kila siku.

Rangi ziko kila kona katika maisha yetu zinatuzunguka.Tunaziona wakati wote, ingawa wengi wetu hatujui rangi hizo zina matokeo gani katika maisha yetu ya kila siku. Matokeo ya kuwa na rangi nyingi katika mazingira yetu kwa kawaida hatufahamu. Mara nyingine tunapata hisia zisizo rahisi katika baadhi ya vyumba unapoingia au unapata faraja na burudisho kiaina Fulani,lakini sisi tunaita hilo TABIA. ”Rangi za Tabia” ndizo tunazoweza kusema zinatuzunguka

Wengi wetu huamini kuwa Rangi ni Nguvu na uwezo, na kwamba rangi za vito vya thamani ni vyenye nguvu zaidi na kwamba vito hivyo vya rangi huwa na nguvu maalum .

Kutokana na hivyo basi, hebu tuangalie maana halisi ya rangi zifuatazo na nguvu zilizonazo katika maisha yetu ya kila siku.

NYEKUNDU HUMAANISHA: VITENDO, KUJIAMINI ,UJASIRI NA KUIMARIKA.(VITALITY).

Rangi nyekundu ni rangi ya kuvutia kuliko zote. Rangi hii huchaguliwa zaidi na watu waongeaji zaidi  na ni rangi inayopendwa zaidi na wanaume. Ingawa kwa upande hasa kwa maana nyingine ni rangi inayotafsiriwa kuwa ni ya watu wenye HASIRA au KISARANI.

Lakini nchini China, Rangi nyekundu huchukuliwa kama Rangi  ya mafanikio na  Furaha.Mabibi harusi huvishwa Rangi nyekundi na milango ya watu wa china hupakwa rangi Nyekundu. Rangi nyekundu pia hutumika Kama rangi ya siku ya Jumanne.

Maua ya Rose mekundu nayo humaanisha mapenzi ya dhati.Iwapo utavaa pete yenye kito cha Ruby ambayo ni nyekundu inatakiwa uvae mkono wa kushoto. Rangi nyekundu ni rangi ya sayari ya MARS, na sayari hii inajuliakana kama sayari ya MUNGU wa Vita.

UVAAPO RANGI NYEKUNDU

Enzi hizo ulipokuwa ukivaa nyekundu ilikuwa ukimaanisha kwamba unajitambulisha kwa jamii kwamba wewe ni mtu mwenye msimamo na unayeweza lolote. Pia ilionyesha kama njia ya kuongeza kujiamini kwako iwapo unahudhuria sherehe au tukio la mahojiano iwapo unajihisi kutokuwa na uhakika na ufanyalo.

Na iwapo mwanamke atakuwa amevaa nguo nyekundu ilikuwa ni kielelezo cha kawaida kuwa tayari mwanamke huyo ameshajiingiza kwenye mahusiano ya kimapenzi.

RANGI YA PINK INAMAANISHA: UPENDO NA UZURI.

Rangi  ya Pink ni rangi ya upendo usio na mipaka. Pink ni rangi ya ukimya.  Wapenzi wa Urembo hupendelea rangi ya Pink. Ua  la pink maana yake ni “SINTAKUSAHAU KAMWE “.

NGUVU YA RANGI YA PINK

Pink ni mchanganyiko wa rangi nyekundu na nyeupe.Na kiwango cha nguvu ya pink inategemeana na ni kiasi gani cha wekundu kilichopo. Ingawa nyeupe ni muhimu kwa ajili kukamilisha,huku nyekundu ikisaidia kutimiza umuhimu huo.

Rangi ya PINK hujumisha nguvu hizo. Urembo uliosheheni rangi ya PINK iliyokoza kama rangi ya magenta inaelezea kusawazisha mambo yasiyokaa vema na vurugu.Baadhi ya wafungwa hutumia rangi ya PINK iliyokoza kuondoa tabia za ukatili.

Rangi ya PINK hutumika kuelezea hisa za kujali, upole,kujijali na kupenda sambamba na kukubalika.

KUVAA RANGI YA PINK

Vaa rangi ya  pink iwapo unataka kujiwakilisha mwenyewe kama mtu wa amani ,mpole ambaye hatishiki na chochote.

RANGI YA KIJANI HUMAANISHA: MAISHA, UHALISIA NAUZAO NA UTU.

Rangi ya kijani ni rangi ya asilia, maisha na uzao.. Majani ya kijani ndiyo rangi iliyotulia zaidi. Rangi ya kijani inamaanisha kujiheshimu na utu. Rangi ya kijani ni rangi ya uwiano.

Pia inamaanisha kujifunza,kukua na utulivu.Rangi ya kijani ni rangi salama ,Kama hujui rangi  ya kutumia sehemu yoyote basi tumia rangi ya kijani.

Rangi ya kijani inapendwa na watu walio na maisha yenye uwiano bora kabisa. Rangi ya kijani inamaanisha uponyaji mkuu na nguvu ya maisha. Na mara kwa mara husimama kama ishara ya PESA.Inaaminika pia rangi ya kijani huponya macho.

Wamisri walivaa rangi za kijani katika nyusi kama wacha.Ingawa kwa sasa bado wanatumia urembo wa kijani katika macho. Unatakiwa kula vyakula vya kijani ambavyo ndivyo vyakula bora kwa afya.

Siku ya Ijumaa ndiyo siku ya Rangi ya Kijani kwa wale wanaoamini hivyo.Kito cha kijani ndicho kito kitakatifu kwa watu wa Asia.

KIJANI NI NGUVU

Rangi ya kijani hujumuisha nguvu za asili,ukuaji na matamanio ya kupanuka au kukua.Uwiano wa usawa na mpangilio vinapatikana katika rangi ya kijani.Mabadiliko na mapitio ni muhimu katika ukuaji,hivyo ili uwezo huo uendelee kusalia pia ni sehemu ya nguvu ya kijani kuwepo.

UVAAJI WA RANGI YA  KIJANI

Vaa rangi ya kijani pale unapotaka kushinda hisia za kuchanganyikiwa. Rangi ya kijani tunaweza kusema ni rangi ya ustawi,uwiano na utulivu.Ni rangi ya Mahusiano yenye Afya.

RANGI YA CHUNGWA INAMAANISHA: USTAWI NA UVUMILIVU

Rangi ya chungwa ni rangi yenye nguvu.Ni moja kati ya rangi zenye uponyaji. Inasemekana huongeza matamanio katika chakula.Pia husisimua furaha na ubunifu.

Rangi ya Chungwa inamaanisha Ustawi na Uvumilivu.Watu ambao wanapenda rangi hii mara nyingi hutafsiriwa kuwa mawazo yao ni ya kweli na yanayokubalika.Rangi ya mwanamke ya bahati ni rangi ya Chungwa.Ni imani iliyopo kwa wengi kuwa iwapo unataka mabadiliko Fulani katika maisha yako, CHOMA mshumaa wa rangi ya chungwa kwa Usiku SABA na itatokea.

NGUVU YA RANGI YA CHUNGWA

Wakati rangi nyekundi ikihusishwa na joto kali, rangi ya chungwa inahusishwa na uvuguvugu wa jua. Rangi ya mabadiliko ya kweli ni rangi ya chungwa ambayo inatoa uwezo wa kufikiri kuliko mlipuko wa ile Nyekundu. Kupenda kufahamu mambo ndiyo kichocheo cha tabia ya rangi ya chungwa, na ambayo huleta matokeo ya kutambua mambo mapya.

KUVAA RANGI YA CHUNGWA

Kuvaa vitu vya rangi ya chungwa wakati wa msongo wa mawazo,au hofu huweza kusaidia kusawazisha hali iliyonayo kwa wakati huo.Inaweza kuleta hali ya kukubaliana na mawazo hayo mapya huku ukiwa mwenye furaha na mvumbuzi pamoja na kuwa kiongozi wa kutambua na kubuni.

RANGI YA BLUU HUMAANISHA: UJANA, MUUMINI WA KIROHO, UKWELI NA AMANI.

Rangi  ya bluu ni rangi iliyotulia zaidi , ni rangi ya Wingu, bahari, usingizi, na nyota. Watu wa kale wa Misri walitumia rangi hii wakiita lapis lazuli kama kiwakilishi cha mbinguni. Pia kwa wale waumini wa katoliki hutumia rangi ya bluu kama kiwakilishi cha Bikira Maria.

Rangi halisi ya Bluu ni rangi ya matamanio,ukweli na kiroho. Rangi ya Bluu mara nyingi ni rangi ambayo huchaguliwa sana na watu wenye misimamo mikali. Ingawa kwa wengine rangi hii ni rangi ya kutuliza..

Mara nyingi Rangi ya Bluu hupendeza zaidi kwa matumizi ya nyumbani hususani kwa watoto wachanga, pia ni rangi ya kubebembeleza ambayo ni nzuri unapochagua nguo ya kulalia(pajamas).Rangi ya bluu ya kukoza sana  ni rangi ya ukweli na msimamo kiasi. Rangi ya bluu katika kona ya mboni inamaanisha kuwa urafiki wako ni muhimu sana kwangu.Jumatano ndiyo rangi ya Bluu.

Kwa wale wanaoamini uvaaji wa vito vya thamani , uvaapo kito cha rangi ya bluu hukupa hisia za utulivu .

Huku rangi ya bluu bahari maarufu kama (AQUA BLUE) yenyewe ni rangi inayoelezewa kuwa ya watu wenye fikra za hali ya juu katika mambo muhimu.

NGUVU YA RANGI YA BLUU

Rangi ya bluu hukupa hisia za umbali.Wasanii wa michoro hutumia rangi hii katika kuonyesha umuhimu wa muonekano wa  jambo.Na hili ni muhimu katika kuonyesha uelewa wa nguvu ya rangi ya bluu.–inaturuhusu sisi kuangalia mbele na kuongeza jitihada katika matarajio yetu ya baadaye.Inajumuisha msisimko baridi ambao unasaidia katika mawasiliano.

Iwapo rangi ya bluu itatumika, nguvu ya msisimko wake unaweza saidia kufungua sehemu iliyofungika.Tumia rangi ya bluu iwapo unahitaji kupunguza na itakusaidia katika kuongoza hisia za mawasiliano na utulivu.

KUVAA BLUU

Vaa bluu iliyokoza kwa ajili ya uimara, kutuliza hisia zenye msimamo usiobadilika.Pia mapambo yote ya macho ya rangi ya bluu husaidia kurahisisha mawasiliano, iwapo ni kwako mwenyewe au kwa wengine.

Tumia karatasi ya bluu iwapo unataka msaada wa kukumbuka taarifa utayoiandaa au hotuba.

RANGI YA ZAMBARAU AU HUDHURUNGI HUMAANISHA: UAMINIFU NA MIUJIZA AU MAAJABU.

Rangi ya Hudhurungi au Zambarau ni rangi za kufanya uamuzi mzuri.Ni rangi ya watu wanaotafuta kukidhi mahitaji yao ya kiroho.Inasemekana kuwa iwapo utazungukwa na mandhari iliyoshehena rangi ya zambarau unatarajiwa kuwa mwenye utulivu wa akili au amani ya roho.Rangi hii ni nzuri kwaajili ya Kufanya maombi ya utulivu.

Rangi ya zambarau imekuwa ikitumika katika kumaanisha miujiza na maajabu,sambamba na kutumika kama ishara ya uaminifu.Rangi hii ambayo ni mchanganyiko wa rangi nyekundu na bluu, rangi ambazo hupendeza na kuvutia zaidi,imeifanya rangi hii ya zambarau kuwa rangi ya kufikirika zaidi.Watoto wengi hupenda rangi ya zambarau, na pia ni rangi inayopendwa zaidi na wasanii.

Alhamisi ni siku inayotafsiriwa kuwa ni siku ya rangi ya Zambarau.

Zambarau ikilikoza hutambuliwa kama rangi ya kusudio maalum.

NGUVU YA RANGI YA ZAMBARAU

Rangi hii ni mchanganyiko wa rangi ya bluu na nyekundu kama tulivyosema hapo awali., Nyekundu ni rangi inayolenga mabadiliko na kutia nguvu na thamani wakati rangi ya bluu ni rangi inayopooza,kutuliza na ya thamani.

Kwa mantiki hiyo basi rangi ya zambarau huleta badiliko jipya katika kuongezeka kwake na kuichochea rangi nyekundi.Kwa sababu hiyo basi rangi ya zambarau huusishwa namafikiriko na matamanio.

UVAAJI WA RANGI YA ZAMBARAU

Unaweza kuvaa rangi ya zambarau iwapo unataka kuonyesha ujasiri na kujitia moyo, sambamba na kuonyesha fikra zako na uwezo wako wa ajabu.

RANGI NYEUPE: INAMAANISHA USAFI NA UHALISIA.

Rangi nyeupe ni rangi ya uhalisi.Mabibi harusi wengi wanchi mbalimbali wamekuwa wakivaa rangi nyeupe, kwasababu ni kwamba rangi nyeupe inamaanisha BIKIRA.

Rangi nyeupe humaanisha ukarimu.Ingawa katika baadhi ya nchi nyingine nyingi nguo nyeupe huvaliwa wakati wa mazishi kama desturi zao. Rangi nyeupe ni rangi ya siku ya Jumatatu kwa wale wanaamini nguvu ya rangi na matukio ya siku.Vitabu vya kumbukumbu vyeupe huashiria mapenzi ya dhati.

NGUVU YA RANGI NYEUPE.

Tukizungumza kwa umakini, rangi nyeupe siyo Rangi,bali ni matokeo ya uwepo wa rangi zote zilizopo ambazo hukamilisha rangi zote za mwanga.Husimama kwa niaba ya ukamilifu na ujumla.Katika desturi na tamaduni za wengi rangi hii huwasilisha  uwazi na ukweli.Rangi nyeupe imekuwa na kiwango cha utulivu.Inaweza kuleta ufafanuzi kutokana na nguvu yake kuwa kamili.

Inauwezo wa kupeleka  jambo muhimu  mbele katika kila Rangi na hili ndilo linaloifanya rangi nyeupe kuwa chaguo la wengi katika mwanzo mpya na maendeleo katika mwelekeo wowote.

UVAAJI WA NYEUPE

Unaweza kuvaa rangi nyeupe kuonyesha uhalisia na ukamilifu wa kuvutia.Ukiweza kuzungukwa na nyeupe utajisikia huru na mwenye akili iliyotulia.

RANGI NYEUSI: HUMAANISHA KIFO, DUNIA NA USTAWI.

Rangi nyeusi ni rangi ambayo haijaweza kueleweka miongoni mwa wengi wetu. Tai ya Rangi nyeusi ni maarufu kama vazi la kuvaliwa wakati wa chakula maalum cha usiku na huonekana rasmi na nadhifu.ama wanamke anaweza kuvalia hivyo akiwa na rangi nyeusi kiasi katika gauni yake.Wakati pia hata watu wenye nia mbaya au wahalifu huvalia mavazi meusi hasa kofia.

Pia Rangi nyeusi humaanisha kifo kwa baadhi ya tamaduni na desturi . Wamarekani mwenyeji hudhani kuwa rangi nyeusi ni nzuri kwasababu inawakilisha rangi ya Udogo amabo hutoa uhai,.

Rangi hii ni rangi inayosadikika kuvaliwa siku ya Jumamosi.

NGUVU YA RANGI NYEUSI

Rangi nyeusi na yenyewe tunaweza kusema siyo rangi iwapo tunaongelea kwa umakini.Ni rangi ambayo haipo miongoni mwa rangi nyingine. Imekuwa ni kasumba mara nyingi watu wanapozungumzia masuala hasi mar azote watajuisha rangi nyeusi au nyeupe.Rangi nyeusi na mpinzani wake rangi nyeupe huwakilisha pande mbili.Rangi nyeusi huakisi rangi zote wakati nyeupe huushia .Imakuwa ikiitwa kama rangi ya kuficha,kutia hofu au kupata uzoefu mbaya.Imekuwa ukihusishwa na rangi za kutojulikana au kutoonekana.

UVAAJI WA RANGI NYEUSI.

Unaweza kuvaa rangi nyeusi iwapo hutaki kuwa mtu wa kuhisiwa. Pia hutumika katika uvaaji nguo iwapo unataka kujiwekea utambulisho wako wa kuwasilisha ujumbe wa ajabu na kwamba unajitawala mwenyewe.Rangi nyeusi inaweza kusema kuwa “Nitambue lakini usiniingilie.”

RANGI YA NJANO: INAMAANISHA HEKIMA, FURAHA, SHANGWE NA NGUVU YA UFAHAMU.

Mapambo yaliyosheni rangi za njano humaanisha  Uhalisi,Mng’ao na kwamba rangi ya njano ya jua ni rangi rahisi zaidi kuonekana.Watu ambao mara nyingi ni vipofu wa rangi huweza kuiona rangi ya njano kwa urahisi zaidi.Rangi ya njano ni rangi kamili katika ubunifu na nguvu ya ufahamu. Mara zote tumia karatasi ya njano wakati wa kuandika ujumbe muhimu.

Rangi ya Njano humaanisha Hekima na Busara.Rangi ya Njano maana yake Furaha na Shangwe.Watu wenye ufahamu wa hali ya juu hupenda rangi za njano.Rangi ya njano humaanisha Mapenzi yasiyokifu (KUKINAI).Jumapili ndiyo siku ya rangi ya Njano.

NGUVU YA RANGI YA NJANO

Kama ilivyo nguvu ya mwanga wa jua ndivyo hivyo rangi ya njano huleta utambuzi  na umakini.Ukichanganya rangi ya njano na kijani unamaanisha upokeaji,na hujenga hisia zisizo sahihi.Rangi ya chunjwa na njano huzidisha hisia za kuwezesha.Njano iliyofifia husaidia kuweka sawa akili , na pia hufanya akili yako kuwa yenye umakini muda wote.

UVAAJI WA RANGI YA NJANO

Tuvaapo rangi ya njano tunamaanisha Furaha na kunyanyua hisia. Mara nyingi unaweza kutumia rangi ya njano ofisini ambayo itakusaidia kuweka sawa akili, na kuimarisha kumbukumbu na ufanyaji maamuzi.

RANGI YA UDONGO HUMAANISHA: DUNIA, MPANGILIO NA AGANO (AHADI)

Watu wanaopendelea rangi hii mara nyingi ni watu wanaopendelea mpangilio na ahadi.Ila maana hasi ya rangi ya njano ni kwamba inawakilisha mtu kutenda chini ya kiwango au mvuvi.Rangi ya Udongo huwakilisha dunia na inahusishwa na mahitaji ya maisha.

NGUVU YA RANGI YA UDONGO

Rangi ya udongo inatokana na mchanganyiko wa rangi  nyekundu,bluu na njano, na pia ni rangi ambayo unaweza kuchanganya na rangi nyingi tu.Rangi hii inapozidi inafanya muonekano kuwa hafifu.Ingawa pia inaweza kuwa rangi ya kusawazisha.

Rangi hii inaweza kuleta hisia za umoja na mshikamano, sambamba na kuruhusu kubaki kwenye udongo bila ya kuonekana.

UVAAJI WA RANGI YA UDONGO.

Vaa nguo za rangi ya udongo iwapo hutaki kuonyesha mwelekeo au hisia na tabia yako kwa ujumla.Rangi ya udongo ni rangi inayotia maudhi ambayo hutumika kuficha hali ya ukweli. Kabla ya hapo rangi hii ilitumika kuvaliwa Na wafanyakazi wa chini (Vibarua).

RANGI YA DHAHABU HUMAANISHA: UTAJIRI, MAFANIKIO NA BUSARA NA HEKIMA.

Haishangazi kuona kuwa, rangi ya dhababu imekuwa ikitumika Kama ishara ya busara na hekima sambamba na ishara ya kuwa na Afya njema. Watu wanaopendelea rangi ya dhahabu Ni watu wenye matumaini makubwa.

Rangi ya dhahabu mara nyingi huusishwa na ishara ya utajiri na mafanikio.

UVAAJI WA RANGI YA DHAHABU

Uvaapo rangi ya dhahabu kila siku katika maisha yako, hukuongezea nguvu katika maisha yako binafsi, na pia hukuongezea kujiamini, juhudi na nguvu ya kutenda kwa uamuzi wako. Uvaaji wa Cheni ya Dhahabu shingoni husaidia kulinda AFYA.