Fahamu chanzo cha kwikwi na matibabu yake

Unaweza kumtisha mtu akazimia, hata kupoteza maisha kama alikuwa na magonjwa mengine kama ya moyo.

Kwikwi siyo neno geni katika masikio ya wengi, ingawa wengi wetu hupata tatizo hili, bila kujua sababu zake.

Pengine kwa kutojua sababu hizo baadhi tunaendelea kushikilia imani za kale kuwa ukipata kwikwi, basi kuna mtu anakusema.

Kutokana na hewa kuingia kwenye mfumo huo kwa ghafla, kisanduku cha sauti hufunga hivyo kusababisha usumbufu kwenye kiungo kidogo kama utando, kinachotenganisha mapafu na tumbo.
 

Mbali na hewa, yapo mambo kadhaa yanayochangia kupata kwikwi, ambayo ni pamoja na; kula chakula haraka haraka na hasa kama ni kikavu, kucheka sana na kwa muda mrefu, kula vyakula vyenye viungo vikali hasa pilipili kali kama hukuizoea.

Kumeza vitu vya moto sana na kunywa pombe kupita kiasi. Sababu hizi zinaweza kuchangia hewa kuingia kwa ghafla kwenye mapafu na kusababisha kisanduku cha sauti kufunga.

Sababu nyingine za ugonjwa huo, zinahusiana na mishipa ya fahamu iliyo na uhusiano na kiungo kinachotenganisha mapafu na tumbo la chakula. Nyingine magonjwa ya homa ya mapafu (pneumonia).

Pia kuna baadhi ya madawa ambayo yakimezwa husababisha kwikwi.

Matibabu ya kwikwi ni ya kawaida.

Ikiwa inatokana na hewa kuingia kwenye mapafu ghafla inaweza kuisha yenyewe baada ya muda mfupi.

Mbinu zinazosaidia kupunguza kwikwi ni pamoja na; kunywa maji ya baridi kwa njia ya kugugumia, kumtisha mtu mwenye kwikwi japo siyo vyema kumtisha sana na hasa kama hujui afya yake vizuri.

Unaweza kumtisha mtu akazimia, hata kupoteza maisha kama alikuwa na magonjwa mengine kama ya moyo. Vitisho visiwe vikali, wala vya kisheria kama kumtishia mtu kumuua, kwani anaweza akakupeleka mahakamani hata kama ulifanya hivyo kwa nia njema. Njia nyingine ya kukata kwikwi ni kula sukari, hasa ukiiweka chini ya ulimi, kubana pumzi kwa muda, kuchuchumaa na kuhakikisha magoti yamebana kifuani, kung’ata limau na kadhalika. Katika kutibu kwikwi inayotokana na magonjwa mengine ni muhimu madaktari kufanya vipimo na kutibu tatizo husika. Mara nyingi kwikwi inapokaa kwa muda mrefu madaktari watampa mgonjwa dawa za usingizi na zile za kupunguza msongo wa mawazo.