Ferguson amkabidhi David Moyes mikoba yake.............

Meneja wa Manchester United Sir Alex Ferguson (kulia) akisalimiana na Meneja wa Everton Mscotland David Moyes.

MENEJA wa Klabu ya Everton Mscotland David Moyes ametangazwa rasmi kuwa Meneja mpya wa timu Manchester United baada ya aliyekuwa Meneja wa timu hiyo Sir Alex Ferguson kujiuzuru hapo jana.

Mscotland huyo amewabwaga makocha wenzake wawili waliokuwa wakipewa nafasi kubwa ya kurithi mikoba ya Ferguson, makocha hao ni pamoja na Jose Mourinho na Kocha wa Borusia Dortmund Jurgen Kloop.

Uongozi wa Old Trafford umemtangaza rasmi na kuthibitisha kuwa David Moyes atakuwa meneja mpya wa timu hiyo kuchukua nafasi ya Sir Alex Ferguson atakayestaafu mwishoni mwa msimu huu. Kwa mujibu wa taarifa kutoka Old Trafford zilizonaswa na Habarimpya.com hivi punde zinadai kwamba, David Moyes amepewa mkataba wa miaka sita wa kuifundisha Manchester United kuanzia msimu ujao.

Kuteuliwa kwa Meneja huyo imetegua kitendawili kichokuwa kimetanda sehemu mbalimbali duniani, ikiwa ni muda mfupi baada ya Ferguson kutangaza kujiuzuru.