Kazaura kuzikwa Jumamosi

Wafanyakazi wa kampuni ya Swissport katika Uwanja wa Ndege wa Kimataifa wa Julius Mnyerere wakipeleka kwenye gari jeneza lenye mwili wa aliyekuwa Mkuu wa Chuo cha Dar es Salaam (UDSM), Balozi Fulgence Kazaura jana, ulipoletwa kutoka nchini India alikofariki dunia Jumamosi iliyopita.


Baada ya kuwasili kwa ndege ya Shirika la Ndege la Emirates, msafara wa waombolezaji uliokuwa na magari zaidi ya 15 ulianza safari ya kwenda Hospitali ya Hurbert Kairuki iliyopo Mikocheni ambako mwili wa marehemu umehifadhiwa.

 Mwili wa aliyekuwa Mkuu wa Chuo Kikuu cha Dar es Salaam (UDSM), Balozi Fulgence Kazaura (74) umewasili nchini jana ukitokea Chenai, India alikokwenda kwa matibabu ya saratani.

Mkuu wa Mkoa wa Dar es Salaam, Said Meck Sadiki, Makamu Mkuu wa Chuo cha UDSM, Profesa Rwekaza Mukandala, ndugu, jamaa na marafiki walijitokeza Uwanja wa Ndege wa Kimataifa wa Julius Nyerere (JNIA) kupokea mwili wa Balozi Kazaura aliyefariki Februari 22, mwaka huu.

Baada ya kuwasili kwa ndege ya Shirika la Ndege la Emirates, msafara wa waombolezaji uliokuwa na magari zaidi ya 15 ulianza safari ya kwenda Hospitali ya Hurbert Kairuki iliyopo Mikocheni ambako mwili wa marehemu umehifadhiwa. Msemaji wa familia, Charles Mwombeki alisema leo kutafanyika shughuli za kifamilia za kuaga nyumbani kwake, Oysterbay kuanzia saa 7:00 mchana.

Alisema baada ya kumaliza kutoa heshima za mwisho, mwili huo utapelekwa Kanisa Katoliki la Mtakatifu Peter Oysterbay kuanzia saa 8:00 kwa Ibada ya kumwombea na baadaye utarudishwa Hospitali ya Kairuki. Anatarajiwa kuzikwa Jumamosi mkoani Kagera.