‘Kuongoza Bunge lenye vijana changamoto’

Naibu Spika wa Bunge Job Ndugai.

Alisema faida ya kuwapo kwa wabunge hao ni kuongezeka kwa uelewa, kitu ambacho kinafanya kila mtendaji wa Serikali kuwa makini, kwa kuwa wengi wao wana elimu ya kutosha ya kupambanua mambo.


  Naibu Spika wa Bunge Job Ndugai, amesema hakuna kazi ngumu kama kuongoza Bunge hasa lenye wabunge vijana kama la kipindi hiki.

Akizungumza na gazeti hili jana, Ndugai alisema inamlazimu kufahamu historia ya kila mbunge, kwenda sambamba na wanachotaka hasa wakati wa kujibizana.

Alisema hiyo ni changamoto kubwa, ambayo hata watunga sheria wa Serikali wana wakati mgumu kuhakikisha kuwa wanakuwa makini kutokana na kuongezeka kwa changamoto
.

Alisema faida ya kuwapo kwa wabunge hao ni kuongezeka kwa uelewa, kitu ambacho kinafanya kila mtendaji wa Serikali kuwa makini, kwa kuwa wengi wao wana elimu ya kutosha ya kupambanua mambo.

Ndugai aliutaja upungufu wa kuwapo kwa wabunge vijana kuwa ni kutaka mambo kwa haraka, ambapo wakati mwingine kabla hawajasikiliza kinachosemwa wanakuwa wamedakia kujibu na kupoteza maana nzima ya kuwa na sehemu ya kusikiliza matatizo na kuyafanyia kazi.

“Kuna wakati inanilazimu kuwapa majibu ya papo kwa hapo kulingana na jinsi ninavyowaelewa, ili kuwatuliza halafu baadaye nikipata nafasi nakaa nao,” alisema.