HABARI YA KIMATAIFA:Kanisa lahojiwa kuhusu kashfa ya ngono

Kiongozi  wa  kanisa  Katoliki  papa  Francis  ambaye ameahidi  kutovumilia vitendo vya udhalilishaji wa kingono tangu  ateuliwe  kuwa  kiongozi  wa  kanisa  hilo  Machi mwaka  jana, amesema  kashfa hiyo ni  aibu kwa  kanisa. Papa Francis  ameyasema  hayo  wakati  wataalamu  wa Umoja  wa  Mataifa  wakiwahoji  wajumbe  wa  kanisa  hilo juu  ya  udhalilishaji  kingono  wa   watoto  uliofanywa  na viongozi  wa  dini. Papa  Francis  amesema  kuna  kashfa nyingi  ambazo  asingependa  kuzitaja  binafsi , lakini amesema  kila  mmoja  anazifahamu. Amesema  hayo katika  misa  ya  asubuhi  katika  kanisa  la Santa Marta leo.

Wakati  huo  huo  kanisa   Katoliki  limesisitiza  leo  kuwa lina  nia  ya  kufikisha  mwisho udhalilishaji  wa  kingono unaofanywa  na  viongozi  wa  kanisa  hilo, wakati wajumbe  wa  ngazi  ya  juu  wa  kanisa  hilo  wakihojiwa mbele  ya  jopo  la  kamati  ya  kulinda  haki  za  watoto  la Umoja  wa  Mataifa.