Mengi atetea wazawa kumiliki gesi

Alisema kinachopiganiwa siyo sekta binafsi ama vitalu vimilikiwe na mtu mmoja mmoja mzawa bali, vitalu vya gesi vimilikiwe na kampuni ama vikundi vya Watanzania hasa wazawa.


  Mwenyekiti Mtendaji wa IPP, Reginald Mengi, amesema hoja kwamba Watanzania hawana mtaji wa kumiliki vitalu vya gesi si sahihi kwa kuwa gesi yenyewe ni mtaji wa kutosha kwa Watanzania.

Pia amewaomba viongozi wa dini wasitoe uamuzi juu ya watu mbalimbali waliotoa maoni yao kuhusu umiliki, ushirikishwaji na uwezeshwaji katika sekta ya gesi.

“Nawasihi wanaposhiriki kwenye mikutano ya aina yoyote wasikilizemaoni ya pande zote mbili kabla ya kutoa maamuzi yao, ili Mungu aweze kuwaongoza katika kutoa msimamo ambao utanufaisha Watanzania wote kwa njia ya mapendekezo,” alisema Mengi.

Alisema kinachopiganiwa siyo sekta binafsi ama vitalu vimilikiwe na mtu mmoja mmoja mzawa bali, vitalu vya gesi vimilikiwe na kampuni ama vikundi vya Watanzania hasa wazawa.

Alisisitiza kuwa mtu yeyote anayesema anatakakumiliki kitalu cha gesi yeye binafsi, anasema uongo.

“Sisi tunataka vitalu vimilikiwe na makampuni ama vikundi vya Watanzania hasa wazawa ambao watauza hisa kwa Watanzania wote iliwapate fursa ya kushirikikatika uchumi wa gezi,” alisema.

Kwa muda sasa, kumekuwa na malumbano kati ya Waziri wa Nishati na Madini Profesa Sospiter Muhongo na Mwenyekiti wa Sekta Binafsi, Mengi kuhusu Watanzania kumiliki wa vitalu vya gesi mkoani Mtwara.

Waziri huyo aliwahi kukaririwa akisema kuwa Watanzania wana mitaji midogo ambayo haiwaruhusu kuwekeza katika sekta ya gesi ambayo alisema uwekezaji wa wake ni wa gharama kubwa.

Hata hivyo, Mengi kwa upande wake, amepuuza hoja hiyo na kusisitiza kuwa Watanzania wana uwezo wa kuwekeza katika sekta hiyo mpya katika uchumi wa nchihni. Alisema madai ya Profesa Muhongo hayana msingi.