:Hatimaye Lema apigwa pingu,atupwa rumande...

Mbunge wa Arusha Mjini Godbless Lema akizungumza na wanahabari.

TAARIFA  zilizotufikia hivi punde zinadai kwamba Mbunge wa Jimbo la Arusha Mjini Godbless Lema amekamatwa na Askari wa Jeshi la Polisi Mkoani Arusha, imedaiwa kwamba Lema alikamatwa usiku baada kuwekewa mtego na ulinzi mkali nje ya nyumba yake.

Taarifa hizo zimeeleza kwamba baada ya mabishano ya muda mrefu nyumbani kwa kada huyu hatimaye alikubali kukamatwa na kuchukuliwa na gari la Polisi usiku na kupelekwa kituo kikuu cha polisi Arusha (Central Polisi).

Baada ya kukamatwa vifaa vyake vya mawasiliano kama  laptop, ipad na simu vinashikiliwa na na Polisi.

Taarifa za nyumba ya Mbunge huyo kuzingirwa na Askari hao zilisambaa haraka mjini Arusha na wananchi wengi wakajitokeza kushuhudia tukio hilo,baada ya kumfikisha Lema Central police Arusha alisachiwa na kuingizwa rumande.

Lema alikuwa ameambatana na magari ya wafuasi wa Chadema waliomsindikiza ili kushuhudia kinachojili hapo kituoni, baada ya kumtupa ndani,polisi  waliwafukuza wafuasi hao wa Chadema hapo kituoni na kuwaambia hawatakiwi kuonekana hapo...