KIMATAIFA:Wanajeshi wa Marekani wamuua mtoto wa Afghanistan kimakosa

Wanajeshi wa Marekani nchini Afghanistan wamemipiga risasi kimakosa mtoto mmoja wa miaka minne na kuzidisha uhusiano mbaya unaotokota kati ya nchi hizo mbili. Uhusiano kati ya Marekani na Afghanistan 


umezorota zaidi kufuatia kukataa kwa Rais Hamid Karzai kutia saini makubaliano ya pamoja ya kiusalama yatakayoruhusu majeshi ya Marekani kusalia nchini mwake hata baada ya majeshi ya kigeni kuondoka mwaka huu.

 Marekani imesema jeshi lake haliwezi kusalia Afghanistan bila ya makubaliano hayo.Karzai anaitaka Marekani kusitisha operesheni zake zote za kijeshi nchini humo miongoni mwa masuala mengine kabla ya kutiwa saini kwa makubaliano ya kiusalama kwani anahoji inasababisha vifo vya raia wake.

Msemaji wa jimbo la Helmand amesema wanajeshi hao walimuua kijana huyo wakidhani ni adui.Msemaji wa jumuiya ya kujihami ya NATO amesema wanachunguza kisa hicho na kwamba kila hatua zitachukuliwa kuepusha vifo vya raia.