KIMATAIFA:Rais wa Ufaransa kulishitaki jarida kwa kudai ana uhusiano wa kimapenzi

Rais wa Ufaransa Francois Hollande anapanga kulichukulia hatua za kisheria  jarida moja nchini humo,kwa kuingilia maisha yake ya kibinafsi baada ya jarida hilo la Closer kudai kuwa ana uhusiano wa kimapenzi na muigizaji sinema mmoja wa kike.

Taarifa zinasema Hollande anazingatia kulichukulia hatua jarida hilo kutokana na kuingiliwa maisha yake ya kibinafsi ambayo ni ukiukaji wa haki zake kama raia wa Ufaransa. Jarida hilo linalochapishwa kila wiki, lilichapisha picha saba zinazoonyesha  mwanamume anayedaiwa kuwa rais huyo wa Ufaransa akitoka kwenye jengo moja la makaazi akiandamana na mlinzi wake na picha za mwanamke huyo muigizaji anayedaiwa  pia akiingia na kutoka jengo hilo hilo.