Kampuni ya BMW yaweka rekodi ya mauzo mwaka 2013

Kampuni ya kutengeneza magari ya Ujerumani BMW, imesema leo kuwa iliuza magari mengi mwaka 2013,kuliko ilivyowahi kufanya hapo kabla na inalenga kuzidisha idadi hiyo mwaka huu.
BMW ilisema katika taarifa kuwa iliuza jumla ya magari milioni 1.964 mwaka uliyopita, hii ikiwa ni ongezeko la asilimia 6.4 kutoka rekodi ya mwaka uliyotangulia wa 2012. 

Kundi hilo linamiliki aina  tatu za magari- BMW, Mini na Rolls-Royce, na linatengeneza pikipiki pia. Mauzo ya BMW pekee duniani yaliongezeka kwa asilimia 7.5 hadi kufikia milioni 1.655.
Mauzo ya magari ya Mini yalikuwa 305,030 duniani kote wakati mauzo ya Rolls-Royce yaliongezeka kwa asilimia 1.5 na kufikia 3,630.